Haqqımızda

Video.edu.az saytı 2011-ci ildə Azərbaycan Respublikası Təhsil Nazirliyin təşəbbüsü ilə yaradılmışdır. Məqsəd Azərbaycan təhsil sistemində tədris edilən fənlər üzrə qabaqcıl və təcrübəli müəllimlərin dərs izahını video çəkiliş edərək interaktiv texnologiyaları tətbiq etməklə şagirdlər üçün video dərslər təqdim etməkdir. Dərs prosesində müəyyən mövzunun izahında iştirak edə bilmədikdə və ya dinlədiyi dərsin izahını başa düşmədiyi halda şagird internet vasitəsilə video portala daxil olub həmin mövzunun izahını izləmək imkanı əldə edə bilərlər. Video dərslərin digər əhəmiyyəti isə müəllimlərin daha təcrübəli həmkarlarının dərslərini izləmələri və onların istifadə etdiyi metodlardan dərs prosesində istifadə etmələridir. Bu isə onların öz pedaqoji təcrübələrini daha da təkmilləşdirməsi deməkdir.

Portalda video dərslər fənn və siniflər üzrə yerləşdirilib. İstifadəçilər portalın naviqasiya xidmətlərindən istifadə etməklə asanlıqla istədiyi dərsi tapıb izləyə bilər.